Smart bekkeinntak med sensorar, 2 rister og masseoppsamling i fiberbetong
- Hindrar flaumskadar
- Reddar stikkrenner
- Effektiv oppsamling
- Auka kapasitet ved undertrykk
- Prefabrikkert
- Enkel montering
- Arbeidsbesparande tømming
- Smarte funksjonar med sensor
- God totaløkonomi
- Klimasmart
Føre var - prinsippet
Vossatrauet er eit bekkeinntak (stikkrenneinntak) som førebyggjer skadar på offentlege vegar og privat eigedom. Meir ekstremvêr med større nedbørsmengder over kort tid, aukar faren for at stikkrenner skal gå tette eller ha for liten kapasitet. Konsekvensane av flaumskadar er svært store, og etterslepet i vedlikehald og kapasitet aukar år for år.
Godt utforma inntak og rikeleg dimensjonerte stikkrenner er eit ønskemål. I praksis må gamle anlegg vedlikehaldast og forbetrast. Vossatrauet sin konstruksjon aukar kapasitet på stikkrenner og gjer vedlikehaldet enklare og rimelegare.
Berekraft og miljø
- 25% mindre betongvolum gir meir klimavenleg produksjon
- fiberbetong med redusert bruk av stål
- raskare tømming og mindre maskiner = mindre miljøbelastning og klimagassutslepp
- smart sensor for ettersyn berre ved behov = innspart tid og færre km med transport
Ei solid og gjennomtenkt løysing
Ved normal drift samlar alle lausmassane seg i Vossatrauet og gjer oppreinsking framfor stikkrennene enkelt. Den traktforma konstruksjonen aukar kapasiteten på eksisterande stikkrenner med 10-40%. Oppsamlingskassa dempar rørsleenergien slik at vatnet renn rolegere inn i stikkrenna. Ved flaum vil konstruksjonen fanga opp alle lausmassar, treavfall, bos osv., men vatnet vil passera til stikkrenna. Bekkeinntaket sikrar dessutan at ungar og dyr ikkje kan krypa inn.
Kostnader til oppreinsking kan reduserast med opp til 90 % i høve til gamle løysingar. Ved nyanlegg kan ein unngå ekstrakostnad til overdimensjonering av røyr.
Fiberbetong gir nye moglegheiter
Vossatrauet er prefabrikkert i fiberbetong som ein traktforma konstruksjon der ei oppsamlingskasse enkelt kan heisast opp for tømming av lausmassar. Ved normal drift blir vatnet drenert gjennom hol i kassa. Ved ekstrem nedbør vil ei skrå-rist og ei topp-rist hindra organisk avfall og lausmassar frå å koma inn i stikkrenna saman med flaumvatnet.
Fiberbetong krev mindre betong og gjer totalvekta gunstig (1500 kg inkl. rister). Før montering skal det lagast ei pute av singel i høveleg høgd framfor stikkrenna. Konstruksjonen vert heist på plass og enkelt justert inn til stikkrenneinntaket. Vossatrauet er like aktuelt for eksisterande som for nyetablerte stikkrenner (300 til 800 mm).
PROBLEMFRI REINSKING – SIKKER PASSASJE
A1: Oppsamlingskasse. A2: Tømming. B: Traktkonstruksjon. C: Skrå-rist. D: Topp-rist. E: Stikkrenne
Konstruksjonen er fabrikkprodusert og blir plassert framfor stikkrenneopninga på ei pute av singel. Traktforma konstruksjon aukar kapasiteten gjennom stikkrenna. I enkelte tilfelle kan ein gå ned i røyrdimensjon. Oppsamlingskassa dempar rørsleenergien slik at vatnet renn rolegere inn mot stikkrenna.
Vert produsert i tre utgåver: for 300 – 400 mm, 400 – 600 mm eller 600 – 800 mm stikkrenne.
Enkel tømming = stor innsparing
Oppsamlingskassa fjernar alle finmassar ved tømming. Dette hindrar oppbygging av massar som i normale stikkrenner ville ha tetta røyra over tid. Å hindra tiltetting gir stor økonomisk vinst. Med Vossatrauet tar det lengre tid før bekkeinntaket må reinskast for grus og pas. Der det er langt til mannskap og vedlikehaldsutstyr, vil Vossatrauet kunna hindra store skadar ved ekstremvêr.
Oppsamlingskassa tømmest ved hjelp av lastebil med kran, eller traktor med løfteanordning. Det trengst berre ein person og ein sjåfør. Dette gir kortare responstid og sparar ressursar. Bekkeinntaket blir tømt utan bruk av gravemaskin som kan skada murar og terreng rundt innløpet, og utan at lausmassar kjem inn i stikkrenna. Det er lettare å koma til med kranbil enn med anna utstyr.
Vossatrauet er eit stikkrenneinntak som minimerer store og uforutsette kostnader til vedlikehald og reparasjon.
Problemfritt ettersyn med smartmodular
Ytterlegare kostnader kan sparast på kontroll og ettersyn av bekkeinntak ved bruk av innmontert sensor frå Cautus Geo. Dette er spesielt aktuelt for bekkeinntak i problemområde eller i periferien. Smartmodulen sender varsel på SMS eller e-post når det er behov for tømming. Slik kan ettersyn venta til det er nødvendig, og det frigjer mannskap til andre oppgåver.
Ein sensor som gir melding ved stor vassføring blir montert i underkant av horisontalrista.
Få automatisk varsel på sms eller e-post når trauet treng ettersyn eller tømming! Skybasert løysing der data for vassføring og massar vert registrert av integrerte sensorar i trauet og gjort tilgjengeleg på nett.
Les om smartmodular
Auka kapasitet ved undertrykk
Ved stor vassføring vil det i underdimensjonerte stikkrenner oppstå undertrykk. Det hindrar kapasiteten i røyret å bli fullt utnytta. For å motverka dette har me lagt til rette for montering av eit lufterøyr (flex-røyr) som ved ekstrem nedbør aukar kapasiteten i stikkrenna med minst 10%
Alt i alt minimerer Vossatrauet faren for store og uforutsette kostnader til vedlikehald og reparasjon av vegar, drenering og eigedom.
Sjå tømming av Vossatrauet
Kort film som viser ein av dei viktige funksjonane med Vossatrauet; enkel tømming med kranebil eller traktor med lasteanordning.